Səfər sığortası

Xaricə gedən şəxslərin sığortası

Bu sığorta növü ilə hansı hadisələrdən sığortalanmaq olar?

Sığortalanmış şəxsin sığorta müqaviləsində qeyd olunmuş xarici dövlətin ərazisində olduğu müddətdə qəfil xəstələnməsi və (və ya) vəfatı bu sığorta növündə sığorta hadisəsi hesab olunur.

Sığorta hadisəsi baş verdikdə sığortaçı aşağıdakıları təşkil edir və ya həmin xərclərin əvəzini ödəyir:

-           sığortalanmış şəxsə göstərilən tibbi (ambulator və stasionar) xidmətlər;

-           sığortalanmış şəxsin səfər etdiyi ölkədə hadisə yerindən tibb müəssisəsinə nəqliyyat vasitəsi ilə çatdırılması;

-           sığortalanmış şəxsin səfər etdiyi ölkədən daimi yaşayış yerinə nəqliyyat (uçuş haqqı və hava limanınadək gediş) xərcləri;

-           sığortalanmış şəxsin vəfatı zamanı cənazənin onun daimi yaşayış yerinə repatriasiyası.